OUTONO NO COUREL: SECEDA - SOBREDO - VALDOMIR - LOUSADELA
 |
| Seceda. Foto de M. Busto (+ fotos) |
No Courel reside a reserva botánica de Galicia. Ademais da súa orografía espectacular, os seus bosques caducifolios, a arquitectura das súas aldeas, os ríos que percorren os seus vales encaixados e ríspidos, a auga que baixa apurada das empinadas montañas descolgándose en sonoras pincheiras ... son atractivos suficientes para volver a este particular edén lucense. E máis nestas datas nas que o outono decora as paisaxes con aurilucentes cores.
21,3 Kms de percorrido ( 20 Kms. para quen queira prescindir do castro da Torre en Sobredo). Tamén existe a posibilidade de facer a ruta 4 quilómetros máis curta, rematando o itinerario ao chegar a Lousadela. Neste último caso obrigaría a esperar unha hora e pico nesta aldea para ser recollidos polos vehículos que despracemos.
Dificultade: media-alta
PUNTOS DE INTERESE:
- Antes de empezarmos a camiñar deterémonos para visitar a interesantísima igrexa de San Fiz de Hospital (O Incio).
- Aldea medieval de Seceda (con A Seara, e Froxán, as tres aldeas máis sobranceiras de O Courel).
- Alto de Veiga de Arcas (amplas panorámicas sobre a serra)
- Castro da Torre (Sobredo)
- Aldea de Sobredo coa capela de San Miguel. Nesta aldea, no século VIII, os monxes de Samos deron refuxio (nun antigo priorato) ao futuro rei asturiano Alfonso II O Casto.
- Curso do Lor
- Ponte de Sudrios e desembocadura do Lóuzara no Lor.
- Curso do Lóuzara
- Pincheira do Carrozo da Freita
- Numerosas alvarizas en todo o percorrido (evidenciando a enorme riqueza apícola, antiga e actual, de O Courel)
- Antiga ferrería de Lousadela
- Ponte da Veiga, no Lóuzara
- Soutos de Seceda
Comentarios
Publicar un comentario