RUTA de PENA TREVINCA e PENA NEGRA

SÁBADO 13 DE OUTUBRO DE 2018

Volvendo aos cumios galegos (2 trazados)

Ver en Wikiloc → Longa ⎮ Curta

 

Haberá 2 Percorridos ao mesmo tempo (ver mapa de arriba). 

1. Ruta longa: 22,6 kms. Dificultade: alta
Descrición: sairemos da canteira da Cabrita (onde quedarán os coches), descenso pola longa cresta (vendo o teixadal de Casaio desde abaixo) ata Castro Boloso, aí cruzaremos o río; logo, dura e longa subida ata a valgada do Maluro, para crestear ata Pena Negra, onde nos uniremos cos da ruta B, e volver nun suave descenso ata a Cabrita. 

2. Ruta curta: 16 Kms. Dificultade: media-alta (ver perfil abaixo)

Descrición: sairemos da canteira da Cabrita (onde quedarán os coches), ascenso suave pola cresta (vendo o teixadal de Casaio desde arriba e o Lago da Baña do outro lado); logo, ascenso a Pena Trevinca (duro pero curto), de alí ata Pena Negra, onde agardaremos aos da Ruta A para a volta, con visita a Pena Surbia (os que aínda non a pisaran e teñan forzas), e regreso nun suave descenso ata a Cabrita.

E agora: uns recordiños do 2013 e 15, para devecer:  

Teixedal de Casaio e cumios: vaia lembranzas!