RUTA Á SERRA DA ENCIÑA DA LASTRA
SÁBADO 25 NOVEMBRO 2023
Para este mes de novembro, co territorio anegado por mor das recentes chuvias, entendemos oportuno achegarnos a este pouco coñecido Parque Natural, a Serra da Enciña da Lastra. Aquí o chan é calizo e abundan as covas coas súas estalactitas e estalagmitas. Aquí chámanlles PALAS ás covas e seica habitan nelas importantes colonias de morcegos. A vexetación destaca pola abundancia de aciñeiras, sobreiras, érbedos e castiñeiros. E na época que lles é propia aparecen máis de dez especies de orquídeas.
Ademais, o Sil, outra vez, e dúas aldeas con encanto: Biobra e Covas. Quedarannos cousas interesantes por ver, pero as pernas non dan para tanto. Quedan os Penedos de Oulego e Oulego, queda Pardollán e as ruínas da súa ermida... Para outra ocasión.
- Turismo de Galicia: parque natural da Serra da Enciña da Lastra
- Serra da Enciña da Lastra - Patrimonio natural de Galicia
- Wild Spain: serra da Enciña da Lastra, Ourense
O certo é que esta zona quédanos lonxe a todos, pero merece a pena.
DATOS DA RUTA:
- Percorrido: 18,7 Kms
- Tamén ofrecemos unha opción abreviada de 13 Kms (11,5 pola mañá e 1,5 para despois do xantar).
- Pendente media positiva: +8,1%
- Pendente media negativa: -9,2%
- Desnivel positivo acumulado: +904 m
- Desnivel negativo acumulado: -904 m
Comentarios
Publicar un comentario