RUTA MATA DA ALBERGARÍA - PÉ DO CABRIL - ENCORO DE VILARINHO DAS FURNAS - PORTELA DO HOMEM

SÁBADO 18 DE MAIO DE 2024

Powered by Wikiloc

Inicio da ruta na Mata da Albergaría. Fin da ruta na Portela do Homem

Percorrido da mañá, 7, 7 km
Temos 2 Km de ascenso e 5 Km de descenso, que faremos con calma

Percorrido da tarde, 10 km

Pedro Nuno Caetano, CC BY 2.0, via Wikimedia Commons

 

Convocamos a unha nova ruta no Parque Nacional do Gerês, no veciño Portugal. Unha fermosísima ruta que combina montaña e paisaxes de ribeira.

PUNTOS DE INTERESE:

• Mata da Albergaría
• A montaña rochosa do Pé do Cabril
• O camping do Campo do Gerês
• A espléndida ribeira da barragem de Vilarinho das Furnas
• As ribeiras, fervenzas e pontes do río Homem
• O camiño da Geira
• A Portela do Homen

DATOS DA RUTA:

• Percorrido → 17,7 Kms, repartidos de maneira atípica: pola mañá faremos 7,7 Km de montaña e pola tarde 10 Km de ribeira, con pendente moito máis suave.
• Pendente media en subida → 9,4%
• Pendente media en baixada → -9,1%
• Desnivel acumulado en subida → 1041 m
• Desnivel acumulado en baixada → -937 m

Faremos a ruta en sentido inverso ao deseñado no mapa.

Saída de Lalín: Estación de autobuses. Hora: 7:45 

PUNTO DE ENCONTRO: Cafetería-Hotel Lusitano de Lobios,  9:15 h.

Chegaremos á Portela do Homen e deixaremos algún coche alía aparcado. Despois trasladarémonos ata a Mata da Albergaría e iniciaremos a ruta. Ao final da ruta, os condutores irían nos coches que deixamos na Portela do Homem a buscar os outros coches.

Por recomendación e desexo expreso dos compañeiros de Lugo, prevemos xantar no restaurante do Parque Cerdeira.  Nese restaurante teñen  menú do día  (12 €). E tamén existe a posibilidade de xantar á carta, segundo os prezos que se detallan a  continuación:

Os que decidan xantar á carta, que nos indiquen por Whatsapp os pratos que elixiron para telos encargados. Quedamos en comunicar as nosas eleccións e o número de comensais o xoves 16 pola mañá.

Turismo En Portugal, CC BY 2.0, via Wikimedia Commons

FRANcisco (PortoPortugal). Mata da Albergaría. CC BY-NC 2.0

Ver + info do Pé do Cabril na web do PNP Gerês